बजारमुल्य अस्वभाविकरुपमा बृद्धि

यो समाचार 300 पटक पढिएको

काठमाडौं,  सरकारले बजारमुल्य नियन्त्रण आइरहेको बताएपनि अहिले बजार मुल्य अस्वभाविक रुपमा बढेको छ ।

Veg

दोस्रो संविधान सभाको चुनाव र नेकपा माओवादीले गरेको दश दिने बन्द, मुलुकले लामो समय सम्म भोग्नुपरेको संक्रमणकालिन अवस्था लगायतका अन्य कारणले बजार मुल्य अस्वभाविक रुपमा बढ्न गएको हो । राजनीतिक संक्रमणको फाइदा उठाउँदै बजारमा व्यापारीले गर्ने कार्टेलिङ्ग÷सिन्डीकेटको कारणले बजारमा उपभोक्ताले थेग्ने नसक्नेगरी मुल्य बढेको छ ।

 

 

व्यवसायीले बजार मुल्य बढ्नुमा बजारमा माग अनुसार आपुर्ति हुन नसक्दा, सामानको ढुवानी गर्दा लागत खर्च बढ्नु, डलरको मुल्य बढ्नु लगायतका अन्य कारण देखाउने गरेका छन् । चुनावमा राजनीतिक दललाई चन्दा दिई व्यापारीले त्यसको असुल गर्न अधिकांस सामानमा मुल्य बढाएका छन् । खुद्धा व्यापार संघका उपाध्यक्ष रामकृष्ण मानन्धर एक वर्षको अवधिमा खाद्यान्नमा १५ देखि २० प्रतिशत मुल्य बढ्न गएको बताए । स्थानीय उत्पादनले तिन महिनलाई पनि माग धान्न सक्दैन उनले भने‘ बजारमा माग अनुरुप आपुर्ति हुन नसक्दा अधिकांस सामानको मुल्य बढ्न गएको छ ।’
एक वर्षको अविधमा बजारमा खाद्यान्न, तरकारी, पेट्रोलियम पदार्थ देखि अधिकांश सामानको मुल्य ह्वात्तै बढेको छ । संविधान सभाको चुनावको फाइदा उठाउँदै व्यापारीले अधिकांस सामानमा अस्वभाविक रुपमा मुल्य बढाएका छन् । राष्ट्रिय उपभोक्ता मञ्चका अध्यक्ष प्रेमलाल महर्जन अहिले बजार महङ्गी उपभोक्ताले थग्नेै नसक्ने गरी बढेको बताए । बजारमा सरकारको उपस्थित कम हुँदा बजारमा अस्वभाविक रुपमा मुल्य बृद्धि भइरहेको छ, उनले भने‘ बिचौलियाले फाइदा उठाँदा उत्पादन गर्ने किसान र उपभोक्ता त्यसको प्रत्यक्ष मारमा परेका छन ।’ अस्वभाविक बढेको मुल्य बृद्धि नियन्त्रण गर्न सरकारी निकायमा उजुरी गर्दा त्यसको सुनुवाई हुन नसकेको उनको भनाई छ । कालाबजारी,कृत्रिम अभाव, मिसावट गर्ने व्यापारीलाई तत्काल कारबाही नहुँदा बजार व्यवस्थित बन्न सकेको छैन, उनले भने‘ बजार नियन्त्रण गर्नका लागि सरकारी अनुगमनको संयन्त्र प्रभावकारी ढंगले अगाडि बढाउनुपर्छ ।’
बाणिज्य तथा आपुर्ति व्यवस्थापन विभागका महानिर्देशक नारायणप्रसाद बिडारी बजार अनुगमनसँगै कालाबजारी गर्ने व्यापारीलाई कारबाही गरिएको बताए । कसुर गर्ने व्यापारीलाई तत्काल कारबाही गर्नका लागि मुद्धा दायर गरिसकेको छौ, महानिर्देशक बिडारीले भने‘ बजारमा अस्वभाविक रुपमा मुल्यबृद्धि, कालाबजारी, मिसावट गर्ने जोकोही व्यापारीलाई त्यसै उम्कन नदिई कानुनी दायरामा ल्याछौ ।’ चाडपर्वमा मात्र नभएर अहिले पनि निरन्तर रुपमा बजार अनुगमनको काम गरिरहेको विभागले बताएको छ । बजारमा एक डेढ महिनाको अवधिमा हरियो तरकारीमा झन्डै दोव्बर तेव्बर मुल्य बढेको छ । चुनावको नजिक व्यापारीले माग अनुरुप बजारमा तरकारी आउन नसक्दा अभाव भई मुल्य बढ्न गएको बताएका छन् ।

      ०७०  असोज महिना प्रतिकेजी रुपैयाँ                                                 कात्तिक महिना
पोखरेली चामल                                                ६०                                                                                                      ६५
स्टिम जिरा मसिना चामल                               ६०                                                                                                      ६५
बासमति चामल                                               ९५                                                                                                      १००
सोना चामल                                                     ३८                                                                                                       ४२
ठुलो भटमास दाल                                           १०६                                                                                                      ११०
सानो मास दाल                                                ९६                                                                                                        १००
नेपाली घिउ                                                      ५४०                                                                                                      ५५०
आटा                                                                 ३८                                                                                                         ४५
बोडी                                                                  ९५                                                                                                        १००
भटमास तेल                                                   १४५                                                                                                       १५०
चिनी                                                               ७२                                                                                                           ७५
काउली                                                             ४०                                                                                                          ९०
सिमी                                                              ५०                                                                                                           १००
बन्दा                                                              ३०                                                                                                            ७०
प्याज                                                             ६०                                                                                                           १२०
साग प्रतिमुठा                                                १०                                                                                                            २५
आलु रातो                                                     २२                                                                                                             २५-२७
टर्नेल गोलभेडा                                              ३५                                                                                                             ८०
स्रोत नेपाल खुद्रा व्यापार संघ,कालीमाटी बजार विकास समिति