नाकाबन्दीको ६ महिनामा आठ अर्बको चामल

यो समाचार 305 पटक पढिएको

काठमाडौं, १० फागुन/  भारतले अघोषित नाकाबन्दी गरेपनि चामलको आयात भने प्रभावित भएको देखिएन । नेपाल राष्ट्र बैंकले सार्वजनिक गरेको पछिल्लो तथ्यांकले यस्तो देखाएको हो ।

Riceचालु आर्थिक वर्षको पहिलो ६ महिनामा भारतबाट धान चामलको आयात १५।६ प्रतिशतले बढेर ७ अर्ब ८० करोड रुपैयाँ पुगेको छ । आर्थिक वर्षको सुरुवातसँगै चर्किएको तराई आन्दोलन र असोजदेखि सुरु भएको भारतीय नाकाबन्दीले सात महिना पुरै प्रभावित भएको थियो ।अघिल्लो आर्थिक वर्षको सोही अवधिमा भारतबाट ६ अर्ब ७४ करोड रुपैयाँको चामल आयात गरिएको थियो । अघिल्लो वर्षभरी पौने २५ अर्ब रुपैयाँ बराबरको चामल आयात भएको थियो ।

यही रफ्तार कामय रहेमा यो वर्ष चामलको आयात ३० अर्ब पुग्ने अनुमान लगाउन सकिन्छ । पछिल्लो समय भारतबाट ठूलो परिमाणमा धान चामल आयात हुन थालेको छ । कुनै समय यस्तो पनि थियो, नेपालबाट ठूलो परिमाणमा धान चामल भारत निर्यात गरिन्थ्यो ।

रचनात्मक प्रतिक्रिया दिनुहोस् :