यस्ता छन् सुन्तला खानुका फाईदाहरु

यो समाचार 174 पटक पढिएको

हिजोआज बजारमा सुन्तलाको सिजन छ । वर्षको एक सिजनमा पाईने सुन्तला स्वादका हिसावले निक्कै मिठो हुन्छ । तर, कतिपय मानिस चिसोका डरले सुन्तला खान डराउछन् । स्वादका साथै सुन्तला स्वास्थ्यका हिसावले पनि निक्कै फलदायि फल हो । सुन्तला भिटामिन ‘सी’को प्रमुख स्रोत हो ।

भिटामिन चक्कीको सट्टा सुन्तला खानु स्वास्थ्य र सौन्दर्य दुवै हिसाबले फाइदाजनक हुन्छ । बढी तौल भएका व्यक्तिका लागि पनि पर्याप्त मात्रामा सुन्तलाको प्रयोग उत्तम हुने र सुन्तलाको फल मात्र नभई बोक्रा पनि उत्तिकै फाइदाजनक हुन्छ । सुन्तलामा रहेका विभिन्न सुक्ष्म पौष्टिक तत्व भिटामिन ए, बी र सीले शरीरको रोग प्रतिरोधात्मक शक्ति बढाउँछन् । बिरामी भएको व्यक्तिलाई खान मन नलाग्दा सुन्तलाको थोरै रस खुवाँउदा खानामा रुची बढ्छ । सुन्तलाको छोक्रामा प्रसस्त मात्रामा फाइबर पाइन्छ ।

यसले पेट सफा राख्न मद्दत गर्छ । बालबालिकालाई झाडा पखालाले सताएको समयमा सुन्तलाको रस थोरै–थोरै गरेर दिइयो भने बिरामीको शरीरमा चाहिने पानी लगायत अन्य तत्वको आपूर्ति हुन्छ । गिँजाबाट रगत बग्ने समस्यामा पनि सुन्तला लाभदायक हुन्छ । त्यस्तै सुन्तलामा रहेको क्याल्सियमले दाँतलाई स्वस्थ र मजबुत बनाउँछ । सुन्तलाको बोक्रा सुकाएर मसिनो पारेर काटेर चिनीमा हालेर पकाएर बालबालिकालाई खुवाउनु निकै लाभदायक हुन्छ । त्यसैगरि सुन्तलाको बोक्रा सुकाएर धुलो पारेर अनुहारमा लगाउनाले अनुहारको छाला सफा र नरम हुन्छ ।

भोक वा तिर्खा लाग्दा विभिन्न किसिमका प्याकेटका खानेकुराको सट्टा सुन्तला खाँदा शरीर स्वस्थ हुन्छ र कब्जियत हुनबाट पनि बँचिन्छ । सुन्तलामा पाइने भिटामिन ‘सी’ले रुघाखोकी आदिबाट बँचाउछ । दिनहँ सुन्तलाको सेवन गर्ने गरेमा विभिन्न रोगहरु न्यून गर्न मद्धत मिल्छ । यसले मिर्गौलाको पत्थरी हुनबाट बचाउन सक्छ । दम, ब्रोङकाइटिस, रुघाखोकी, ज्वरो र मुटुको रोगीलाई फाइदा पुर्याउँछ । त्यस्तै डण्डिफोर तथा खटिरा, निमोनिया, पाइरिया, श्वासप्रश्वासको समस्या, टाइफाइड, मधुमेह र उच्च रक्तचापका रोगीलाई पनि सुन्तलाको सेवन लाभदायक मानिन्छ । सुन्तलाले रक्सीको लतलाई पनि कम गर्न सघाउ गर्छ ।

सुन्तला चिसो मौसममा पाइन फल हो । चिसो मौसममा चिसो फल सुन्तला सबैलाई मन पनि पर्दछ । पारिलो घाममा बसेर जाडोयाममा सुन्तला खानेहरु धेरै भेटिन्छन् । तर, सुन्तला खाँदाको फाइदा भने कमैलाई मात्रै थाहा हुने गरेको छ ।

मानव शरीरमा भिटामिनको कमी हुन नदिने सुन्तला खाँदाका फाइदाहरु यस प्रकार छन् :

१.  पेटको बोसो घटाउँछ ।

२.  छालालाई चम्किलो राख्न मद्दत गर्छ ।

३.  क्यान्सर रोग लाग्नबाट जोगाउँछ ।

४.  शुक्रकिटको संख्या बढाउने काम गर्छ ।

५.  मुटुसम्बन्धि प्रायः रोगबाट बचाउन सहयोग गर्छ ।

६.  सुन्तलाको जूस पिउँदा मृगौला रोग तथा मृगौलाको समस्याबाट छुटकारा मिल्नेछ ।

७.  आँखाको दृष्टि क्षमतालाई बढाउँछ र आँखाको रोगबाट समेत छुटकारा मिल्नेछ ।

रचनात्मक प्रतिक्रिया दिनुहोस् :