‘किसानको आय वृद्धि नै समृद्धिको आधार’

यो समाचार 207 पटक पढिएको

काठमाडौं, २४ असार / नेपाल राष्ट्र बैंकका गभर्नर डा. चिरञ्जीवी नेपालले साना किसानको आय बढाएर मात्र आर्थिक समृद्धि सम्भव रहेको बताएका छन् । अहिले पनि अधिकांश नेपाली कृषिमै आश्रित रहेकाले उनीहरूको जीवनस्तर माथि नउठीकन आर्थिक वृद्धि सम्भव नभएको उनले बताए । सानाकिसान विकास बैंकको १४औँ वार्षिकोत्सवका अवसरमा मंगलबार राजधानीमा आयोजित कार्यक्रममा गभर्नर नेपालले यस्तो बताएका हुन् ।

Chiranjibi Nepalकिसानको आय वृद्धिमा साना किसान विकास बैंकको योगदान महत्त्वपूर्ण रहेको उनले बताए । इजरायली राजदूतावाससँगको सहकार्यमा साना किसान विकास बैंकले नेपाली विद्यार्थीलाई इजरायलमा कृषि तालिमका लागि पठाउँदै आएको छ । यो तालिमले नेपाली कृषिमा आधुनिकीकरण भित्रिएको गभर्नर डा. नेपालले बताए । ०७२ साल जेठ मसान्तमा ८ अर्ब ९८ करोड रुपैयाँ कुल सम्पत्ति रहेको यो बैंैकले आव ०७०-७१ मा ११ करोड ४१ लाख खुद नाफा गरेको छ । यस्तै, चालू आवको ९ महिनामा ११ करोड ५२ लाख रुपैयाँ खुद मुनाफा आर्जन गरेको छ ।

०७२ जेठ सम्ममा ३ सय १२ हजार महिला र १ सय २५ हजार पुरुष सदस्य गरी ४ लाख ३८ हजार घरपरिवार सेवाबाट लाभान्वित भएका छन् । ४ सय १२ साना किसान कृषि सहकारी संस्था तथा ८३ समान प्रकृतिका अन्य सहकारी संस्थासमेत गरी कुल ४ सय ९५ सहकारी संस्था यस बैंकमा आबद्ध रहेका छन् । बैंकले आफूसँग आबद्ध संस्थालाई सुरुदेखि ०७२ जेठसम्ममा २५ अर्ब ६३ करोड रुपैयाँ लगानी गरी १७ अर्ब ६४ करोड असुली गरिसकेको छ । सोही अवधिमा बैंकको लगानीमा रहेको ऋण ७ अर्ब ९९ करोड छ ।

रचनात्मक प्रतिक्रिया दिनुहोस् :