१४ खाद्यवस्तुको आयात रोकियो

यो समाचार 236 पटक पढिएको

काठमाडौं,  गत आर्थिक वर्षमा खाद्य ऐनविपरित आयात भएको भन्दै १४ खाद्य वस्तु विभिन्न नाकामा रोकिएको छ । नियमअनुसार लेबल उल्लेख नभएको र आवश्यक प्रक्रिया पुरा नगरेका कारण केही खाद्यवस्तुमा रोक लगाइएको खाद्य प्रविधि तथा गुण नियन्त्रण विभागले जनाएको छ । 

विभागका अनुसार भैरहवा र काँकडभिट्टा नाकाबाट ऐनविपरित आयात हुँदै गरेको अवस्थामा गत आवमा २ हजार ६ सय ६२ किलो क्यान्डी तथा चकलेट भन्सार बिन्दुमै रोकिएको छ । काँकडभिट्टा नाकाबाट १ हजार ७ सय ४१ क्यान्डी तथा भैरहवा नाकाबाट ३ सय ६० किलो क्यान्डी र ५ सय ६१ किलो चकलेट रोकिएको विभागले जनाएको छ ।
विभागमातहतका भन्सार क्वारेन्टाइन कार्यालयहरूले आयात हुने वस्तुमा आवश्यक चेकजाँच गरेर मात्र भिœयाउन दिइने विभागका प्रवक्ता प्रमोद कोइरालाले बताए । “ऐनले तोकेअनुसारको प्रक्रिया पूरा नगरी खाद्यवस्तु आयात हुन नदिन भन्सार नाकामै चेकजाँच गर्ने गरेका छौं,” उनले भने । खाद्य गुणस्तरको मापदण्ड पुरा नगरेको र लेबल उल्लेख नभएको पाइए तत्काल सबै वस्तु फिर्ता पठाउँदै आएकाउ उनले बताए । चालू आर्थिक वर्षमा पनि लेबल नपुगे कडाइका साथ चेकजाँच गर्ने र कारबाही गर्ने काम भइरहेको उनले बताए ।
वीरगन्ज नाकामा १७ हजार १ सय १० इनर्जी ड्रिंक्स र काँकडभिट्टा नाकामा ५ सय लिटर खाने तेल रोकिएको छ । विराटनगर नाकामा २ कन्टेनर र वीरगन्ज नाकामा गैरकानुनी रूपमा आयात हुँदै गरेको ३६ मेट्रिक टन एमएसजी रोकिएको विभागले जनाएको छ । प्रक्रिया नपुगेका कारण ६२ हजार किलो रहरको दाल, २३ हजार किलो मासको दाल र २१ हजार ७ सय ५० किलो चामल भैरहवा भन्सारमा रोकिएको छ ।
गत वर्ष रोकिएका खाद्यवस्तु                                                          खाद्य पदार्थ परिमाण

इनर्जी ड्रिंक्स                                                                                    ३ कन्टेनर
इनर्जी ड्रिंक्स                                                                                    १७११० लिटर
प्राउन क्राकर                                                                                    १५।४ मेट्रिक टन
एमएसजी                                                                                        ३६ मेट्रिक टन
क्यान्डी                                                                                           १७४१ किलो
खाने तेल                                                                                         ५०० लिटर
बेकरी                                                                                              २९० किलो
खाने तेल                                                                                         १२० लिटर
सस                                                                                                 १८ किलो
मासको दाल                                                                                    ६२००० किलो
रहरको दाल                                                                                     २३००० किलो
चामल                                                                                             २१७५० किलो
मिल्क टफी, चकलेट                                                                       ५६१ किलो
क्यान्डी                                                                                           ३६० किलो

रचनात्मक प्रतिक्रिया दिनुहोस् :