चिजको उत्पादनभन्दा माग दोब्बर

This post has already been read 236 times!

इलाम / गत वर्ष गएको भूकम्प र नाकाबन्दीपछि सुस्ताएको पूर्वको चिजको माग पुनस् बढ्न थालेको छ।

cheese-milkभूकम्प र नाकाबन्दीका कारण पर्यटकको आगमन घटेपछि ओरालो लागेको चिजको व्यापार पर्यटकको आगमनसँगै बढ्न थालेको हो। नेपालका पर्यटकीय सहर काठमाडौँ, पोखरा र चितवन लगायतका क्षेत्रमा पर्यटक आवागमन वृद्धिसँगै पूर्वी नेपालका डेरी उद्योगमा चिजको माग उच्च छ। भूकम्प र नाकाबन्दीका कारण नेपाल भ्रमणमा आउने पर्यटकको संख्यामा कमी आएसँगै संकटमा परेका चिज उद्योगीले अहिलेको उच्च मागबाट राहत पाएका छन्।

पर्यटकीय सहरका होटलमा अत्याधिक खपत हुने चिज पूर्वी नेपालको इलाम, पाँचथर र ताप्लेजुङका ३० वटा भन्दा बढी उद्योगले उत्पादन गरि बिक्री वितरण गर्दै आएका छन्। बजारबाट एक सातामा एक लाख किलो भन्दा बढी चिजको माग भएपनि अहिले ५० हजार किलो चिज मात्रै आपूर्ति गर्दै आएको हिमालयन चिज एसोसिएसनका उपाध्यक्ष तुलु तामाङले बताए। प्रतिकिलो ६ सय रुपैयाँमा बिक्री हुँदै आएको चिजमा प्रोटिन लगायतका भिटामिन पाइनाले विदेशी पर्यटकहरुबाट अत्याधिक माग हुने गरेको छ।